Sunny's profile辛尼的九度空間PhotosBlogListsMore  |  Tools Help |
辛尼的九度空間我結婚勒~~ |
||||||||||||||||||||
|
April 08 無題好耐都冇上黎update過個blog，所以趁今晚得閒就上黎發下up瘋（其實每日都好得閒...）
最近唔知點解，做任何事都冇晒動力，冇乜衝勁，好似乜都唔想做... 工作冇心機都不特只，就連睇波打波打機都冇心機（其實係仲未打得波...），成個人好似冇左個靈魂咁... 已經個幾月冇訓過一教好的了，每次上床都唔係話訓唔著既，不過過一兩個鐘就會醒，之後就訓唔返，成個人好似好驚咁，好似好多野要諗，但又唔知自己諗乜... 最奇怪既係，明明冇乜點訓過，但日頭都唔會覺眼訓喎... 幾好...
老婆問我，點解成個人好似冇晒信心咁，一D都唔似我....
我都想知點解.....
同朋友講開呢個問題，佢地話呢個係乜乜迷網期，之後慢慢就會好的了，叫我要放鬆... 但呢個情況，其實由我返香港果一刻已經開始，只係最近幾個月變得更利害... February 29 ~斷了~
上星期日（24/2）晚如常地參與SBL籃球比賽，這次的地點是中西區的石塘咀室內體育館，話說比賽去到第四節尾段，在一次與對手於地上爭奪失球的情況下，對手整個人壓在我弱不襟風的右肩上，說時遲那是快，響亮的"泊"一聲過後，一股前所未有的快感如排山倒海般湧進心頭，當時的我，實在駕馭不了這股前所未有的興奮感，立刻要求離場，離場後立時乘的士前往位於油麻地的廣華醫院求醫！
幸運地，這不是甚麼奇難雜症，在醫院只等了四小時後，醫生告知只是右邊的鎖骨受到了壓迫性的骨折而已，人體由206支不同的骨所組成，所以我只是斷了二百零六分之一，百分率只是0.48543689320388349514563106796117%而已，所以也不算大事，我立時放下了心頭大石...
你老味！！！好很痛呀，上半身任何動作都會牽連到鎖骨，所以基本上我做乜都做唔到，由星期三開始已被迫在家中無所事事了三天... 激死！！
P.S. 當日下午有一位名為Kevin Luk的高人，預測出我該晚將會骨折，會暫時離開球壇一段日子，可惜美中不足地，他預測到的是腳骨骨折，而我斷的卻是鎖骨... 唉，可惜，只差一點... January 28 失望
今日（尋日？）一日內打了一個月打波的分量，首先16:00響紅磡室內運動場打FBL第一場比賽，打完之後拿拿臨搭的士過香港公園室內，趕打18:00MBL的Playoffs第一場，打完呢場比賽後，再搭的士過去昇悅居打波兩小時... 而家成個人散晒...
今次想講講，唔係比賽的輸贏，亦唔係想話責怪隊友，但今日比賽中，某些隊友既表現，我實在不太欣賞，老實講，今時今日的我已不太著重輸贏的，只要大家打得盡力，盡情，開心就得.... 但... 輸都起碼要有盡過力丫...
今日第一場比賽，一開波已被對手拋離，呢個唔係問題，球隊當然有強有弱，輸贏好平常，但... 眼看隊友們懶於走位，防守時鬆散，粒波明明已經響眼前，都唔會再踏前一步搶佢番黎，對手射球又唔理，唔追，唔舉手，對手打快攻，唔追，全無鬥志... 唉... 老實講，咁打法，點解仲要報比賽？不如響街場打下衛生籃球好過啦...
第二場比賽，我地一開波已奪得先機，13:2令我地飄飄然，但後來由於體力下降，主力球員又陷入犯規麻煩中，所以最後倒輸十分... 雖然係輸，但呢場我覺得ok... 起碼我見到隊友們有盡過力...
唉... 落力少少，有火少少啦... 我地得架！ January 15 出師表先帝創業未半，而中道崩殂。今天下三分，益州疲弊，此誠危急存亡之秋也。然侍衛之臣不懈於內，忠志之士忘身於外者，蓋追先帝之殊遇，欲報之於陛下也。誠宜開張聖聽，以光先帝遺德，恢弘志士之氣；不宜妄自菲薄，引喻失義，以塞忠諫之路也。
官中、府中，俱為一體，陟罰臧否，不宜異同。若有作奸犯科及為忠善者，宜付有司，論其刑賞，以昭陛下平明之理，不宜偏私，使內外異法也。
侍中、侍郎郭攸之、費禕、董允等，此皆良實，志慮忠純，是以先帝簡拔以遺陛下。愚以為官中之事，事無大小，悉以咨之，然後施行，必能裨補闕漏，有所廣益。
將軍向寵，性行淑均，曉暢軍事，試用於昔日，先帝稱之曰能，是以眾議舉寵為督。愚以為營中之事，悉以咨之，必能使行陣和睦，優劣得所。
親賢臣，遠小人，此先漢所以興隆也；親小人，遠賢臣，此後漢所以傾頹也。先帝在時，每與臣論此事，未嘗不歎息痛恨於桓、靈也。侍中、尚書、長史、參軍，此悉貞良死節之臣，願陛下親之信之，則漢室之隆，可計日而待也。
臣本布衣，躬耕於南陽，苟全性命於亂世，不求聞達於諸侯。先帝不以臣卑鄙，猥自枉屈，三顧臣於草廬之中，諮臣以當世之事，由是感激，遂許先帝以驅馳。後值傾覆，受任於敗軍之際，奉命於危難之間，爾來二十有一年矣。先帝知臣謹慎，故臨崩寄臣以大事也。受命以來，夙夜憂勤，恐託付不效，以傷先帝之明，故五月渡瀘，深入不毛。今南方已定，兵甲已足，當獎率三軍，北定中原，庶竭駑鈍，攘除姦凶，興復漢室，還於舊都。此臣所以報先帝而忠陛下之職分也。至於斟酌損益，進盡忠言，則攸之、禕、允之任也。
願陛下託臣以討賊興復之效；不效，則治臣之罪，以告先帝之靈。若無興德之言，則責攸之、禕、允等之慢，以彰其咎。陛下亦宜自謀，以諮諏善道，察納雅言，深追先帝遺詔。臣不勝受恩感激。今當遠離，臨表涕泣，不知所云。
尋晚同老婆傾開計，講起中國既古詩舊詞，忽然醒起，中學時代中文科既必讀文章，諸葛孔明既出師表，還記得中學時期，響讀呢篇文章既時候，竟然曾經投入得滯，被文中諸葛亮既忠義感動到流下男兒淚... 今日專登搵番出黎睇下回憶下....
唔通，古時代所有為人臣者，都一定係咁忠貞不二？ December 17 The Wreckers - Stand Still．Look Pretty
The Wreckers 既 Stand Still．Look Pretty，好好聽及很有意思的一首歌，有時間聽聽！ |
有乜遺言？請講...
|
||||||||||||||||||
Send a private message
Subscribe to RSS feed
Tell a friend
Add to My MSN
Add to your network
Sign up for alerts
|
|
